Ózbekstannan elimizge quny 84 mln. teńge bolatyn kontrabandalyq taýar asyrmaq bolǵan
ASTANA. QazAqparat - Qazaqstandyq shekarashylar "Oazıs" zastavasynyń aýmaǵynda (qazaq-ózbek shekarasy), naqtyraq aıtqanda memlekettik shekara syzyǵynan 4 shaqyrym qashyqtyqta Ózbekstan jerinen Qazaqstanǵa qaraı kele jatqan tirkemeli "KamAZ -5320" júk kóligin toqtatty, dep habarlaıdy QR UQK ShQ baspasóz qyzmeti.
Kólikti tekserý kezinde odan 600 qapqa salynǵan, salmaǵy 21 tonna bolatyn kontrabandalyq júk - shaıan tuqymy tabyldy. Aldyn ala belgilengen quny 84 000 000 teńgege jetip jyǵyldy. Júk kóliginiń 55 jastaǵy júrgizýshisi júktiń ǵana emes, tipti óziniń de jeke basyn kýálandyratyn qujatyn kórsete almady.
Atalǵan derek boıynsha quqyqqorǵaý organdary habarlandyryldy.
