Ózbekstannan 101 mln teńgeniń medıtsınalyq júgin el aýmaǵyna jetkizý máselesi oń sheshildi
Gýmanıtarlyq júk aǵymdaǵy jyldyń 8 maýsymynda Túrkistan qalasy aýmaǵyna jetkizilgen. Ol kezde Almaty jáne Túrkistan qalasy aýmaǵynda engizilgen karantındik sharalar saldarynan, memlekettik mekemeler men kásipkerlik sýbektileriniń jumystary shektelgen edi. Seriktestiktiń taýarǵa arnalǵan qujattarynda bul júktiń gýmanıtarlyq bolyp tabylatynyn jáne kommertsııalyq maqsatta paıdalanylmaıtynyn rastaıtyn anyqtamasy bolmaǵan.
«Oblys aýmaǵynda koronovırýstyq ınfektsııanyń taralý kezinde medıtsınalyq buıymdarǵa degen joǵary qajettilikti eskere otyryp, biz, ıaǵnı Kásipkerler palatasy Túrkistan oblysy boıynsha qoǵamdyq densaýlyq saqtaý basqarmasy men keden qyzmetiniń ókilderimen kelissózder júrgizdik. Kórsetilgen shuǵyl kómek nátıjesinde gýmanıtarlyq júk qujattaryn resimdeý boıynsha barlyq is-sharalar dereý aıaqtaldy»,-dep atap ótti oblystyq Kásipkerler palatasynyń kásipkerlerdiń quqyǵyn qorǵaý jáne ákimshilik kedergilerdi azaıtý bóliminiń sarapshysy Nursultan Kárimbaev.
Aıta keteıik, ruqsat qujattaryn ýaqtyly almaǵan jaǵdaıda, kásipkerge taýar salmaǵyna QQS somasyn, ıaǵnı 16 mln teńge tóleýge týra keletin edi. «AIBI-AI» JShS tasymaldaǵan gýmanıtarlyq kómektiń ishinde 440 dana aýrýhana kereýeti men 150 myń dana medıtsınalyq maska, 150 myń dana bir rettik qolǵaptar men 2 500 dana qorǵanys kıimi jáne 1 myń dana termometr bar bolǵan.