Ózbekstanmen shekaradaǵy ótkizý pýnkteri qaıta qurylady

ASTANA. QazAqparat - Qazaqstan men Ózbekstan shekarasyndaǵy ótkizý pýnkteri qaıta qurylady, dep habarlaıdy QazAqparat. Bul týraly Memlekettik kirister komıteti málimdegen.

«Bıylǵy 1 jeltoqsannan bastap Ózbekstan tarapymen kelisim boıynsha «Qaplanbek» (QR) jáne «Zangıota» (ÓR) avtomobıl ótkizý pýnktterin qaıta qurýdy bastaý josparlanyp otyr, halyqtyń tyǵyz ornalasýyna jáne qolaıly jaǵdaıdyń bolmaýyna baılanysty tolyq jabylady», - dep jazdy vedomstvo.

Taratylǵan málimetterge qaraǵanda, qalǵan ótkizý pýnktterin qaıta jańartýdy jabýsyz, biraq avtokólik pen jeke tulǵalardyń qozǵalysyn shekteı otyryp, júrgizý josparlanýda.