Ózbekstanmen shekaradaǵy beketter ýaqytsha jabylady
Qazaqstan Respýblıkasy men Ózbekstan Respýblıkasynyń úkimetteri bekitken eki el shekarasyndaǵy ótkizý pýnktterin rekonstrýktsııalaý jáne jańǵyrtý jónindegi Jol kartasyna sáıkes jáne Qazaqstan Respýblıkasy Qarjy mınıstrligi Memlekettik kirister komıteti men Ózbekstan Respýblıkasy Memlekettik Kedendik baqylaý komıtetiniń kezdesýi aıasynda taraptar bıylǵy 1 jeltoqsannan bastap «Qaplanbek» – «Zangıota» ótkizý beketterin qaıta qurý kezeńinde tolyq jabýǵa ýaǵdalasqan.
«Qaıta qurý qorytyndysy boıynsha 2-den 6 jolaqqa deıin keńeıtý júrgiziledi, «Qaplanbek» ótkizý pýnktiniń ótkizý qabileti táýligine 200-den 1000 kólik quralyna deıin ulǵaıtylady, shekaradan ótý ýaqyty 25 mınýtqa deıin qysqarady.
Budan basqa, kólik quraldarynyń toqtaýsyz qozǵalysy úshin Tehnıkalyq baqylaýdyń biryńǵaı ótpeli avtomattandyrylǵan dálizderin paıdalaný jolymen ótkizý pýnktinde kólik quraldarynyń qozǵalysynyń barlyq tsıklin avtomattandyrý josparlanýda, bul sybaılas jemqorlyq táýekelderin boldyrmaýǵa múmkindik beredi», - dep jazdy vedomstvodan.
Óz kezeginde, Memlekettik kirister komıteti Eýrazııalyq ekonomıkalyq odaqqa múshe memleketterdi jáne iri tasymaldaýshylardy kólik quraldary men jeke tulǵalardyń aǵynyn shekaranyń osy ýchaskesindegi basqa «Qazyǵurt», «Jibek joly», «B.Qonysbaev», «Atameken», «Syrdarııa» jáne «Tselınnyı» ótkizý pýnktterine Qazaqstan Respýblıkasy men Ózbekstan Respýblıkasy arasyndaǵy saýda-ekonomıkalyq jáne ınvestıtsııalyq yntymaqtastyqty damytý jónindegi Jol kartasyna sáıkes qaıta bólý jóninde aqparattandyrý jumystaryn júrgizdi.
