Ózbekstanmen shekarada 7 keliden astam altyndy zańsyz alyp ótpek bolǵan áıel ustaldy

ASTANA. 16 mamyr. QazAqparat - «Almaty» shekaralyq baqylaý otrıady qyzmetkerleri 7 kılogramm 440 gramm altyn alyp ótpek bolǵan Ózbekstan eliniń azamatshasyn ustady.

Bul týraly Ulttyq qaýipsizdik komıteti Shekara qyzmetiniń baspasóz qyzmeti habarlady.

55 jasar áıel «Tashkent-Almaty» baǵyty boıynsha saparǵa shyqqan. Shekaralyq jáne keden baqylaýy kezinde azamatsha ózimen birge deklaratsııalanbaǵan qundy zattardyń bar ekendigin moıyndamady.

Muqııat tintý kezinde syrtqy kıim ishinen denege skotchpen japsyrylǵyn belbeýden altyn buıymdar bar 24 túıinshek tabylǵan.

Atalaǵan derek boıynsha qylmystyq is qozǵalyp, tekserý jumystary júrgizilip jatyr.