Ózbekstanǵa jetkizilýi tıis 22 kólik Mańǵystaýda satylyp ketken
Jalǵan tranzıt uıymdastyrylyp, 3 avtotasymaldaǵyshqa tıelgen 22 kólik dittegen jerine jetpegen. Kólikter Quryq porty arqyly ótip, el aýmaǵynda satylyp ketken. Saldarynan memleketke aldyn ala esep boıynsha 98 mln teńge shyǵyn keltirildi. Qazir kólikterdiń qaıda jáne kimge satylǵany anyqtalyp jatyr.
«Arnaıy bazaǵa jalǵan derekter engizilip, atalǵan avtokólikter Ózbekstan Respýblıkasyna ótip ketkeni týraly derekter engizilgen. Alaıda, tergeý amaldaryn jáne jedel izdestirý sharalaryn júrgizý barysynda atalǵan avtokólikter Ózbekstan Respýblıkasyna ótpeı, Qazaqstan Respýblıkasy aýmaǵynda satylyp ketkendigi anyqtaldy. Qazirgi tańda biz osy qylmysty uıymdastyrǵan tulǵaǵa qatysty tergeý amaldaryn júrgizip jatyrmyz», - dedi Mańǵystaý oblystyq ekonomıkalyq tergeý departamenti tergeý basqamasynyń aǵa tergeýshisi Álibek Dúzelbaev.