Ózbekstanǵa jarysqa kelgen qazaqstandyq sportshylar referendýmda daýys berdi
TAShKENT. KAZINFORM – Gandboldan Ózbekstan kýbogyna qatysyp jatqan «Astana» quramasynyń músheleri Tashkent qalasynda ornalasqan № 399 referendým ýchaskesinde daýys berdi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
«Tashkentke jattyqtyrýshy, dırektor jáne oıynshylardy qosqanda jalpy sany 13 adam keldik. Munda gandbol sportynan Ózbekstan kýbogyna qatysyp jatyrmyz. AES jónindegi referendým osy ýaqytqa tuspa-tus kelgendikten, osy eldegi Qazaqstan elshiliginde ornalasqan referendým ýchaskesinde daýys berdik. Azamattyq ustanymyn bildirip, el úshin tarıhı sátte tańdaý jasaýǵa ár azamat jaýapkershilikpen qaraýy tıis dep oılaımyn», - dedi gandboldan «Astana» quramasynyń múshesi Madına Myrzamseıitova.
Aıta ketsek, buǵan deıin atalǵan ýchaskede alǵash bolyp daýys bergen qazaqstandyq Zámzá Haırýllına «eldik máselelerde tańdaý jasaýdan qalys qalmaı, azamattyq ustanymyn bildirý mańyzdy», dep pikir bildirip edi.
Eske salsaq, Tashkent qalasyndaǵy №399 referendým ýchaskesi Qazaqstan Respýblıkasynyń elshilgi ǵımaratynda (Abaı kóshesi, 1) ornalasqan. Onda daýys berý jergilikti ýaqyt boıynsha 20:00-ge deıin jalǵasady.
