Ózbekstanǵa shetelden ákelingen elektromobılder sany ósýde
TAShKENT. ÓzA- QazAqparat - Ózbekstanǵa shetelden ákelinip jatqan elektromobılder sany jyl ótken saıyn artyp keledi. Bul týraly QazAqparat ÓzA silteme jasap habarlaıdy.
Memlekettik statıstıka komıtetiniń habarlaýynsha, 2022 jyldyń qańtar-naýryz aılarynda Ózbekstan álemniń 9 elinen quny 13,5 mıllıon dollar bolatyn 455 elektromobıl ımporttaǵan.
Bul jaǵdaı 2021 jyldyń sáıkes kezeńimen salystyrǵanda elektromobılder ımporty 370-ke nemese 5,4 esege ósken. Elektromobılderdiń kóp bóligi Qytaıdan ákelinýde.
2022 jyldyń alǵashqy 3 aıynda Ózbekstan myna elderden elektromobıl ımporttady:
· Qytaı – 426;
· Germanııa – 13;
· Gonkong – 7;
· BAÁ - 3;
· Estonııa – 2;
·AQSh – 1;
·Kanada – 1.
Aıta ketsek, 2021 jyl 1 qazan aıynan bastap Ózbekstanda elektromobılderge arnaıy memlekettik nómirler berile bastady. Elektr qýatymen júretin avtokólikterge beriletin nómirdiń basty aıyrmashylyǵy - aımaq kody jasyl fonda kórsetilgen.
