Ózbekstanǵa Qyrǵyzstannan jaraly bosqyndardyń aǵylýy jalǵasýda
ÁNDІJAN OBLYSY. Maýsymnyń 15-i. QazAqparat /Qurmat Samarhan/ - Ándijan oblysyndaǵy ótkizý beketi arqyly Qyrǵyzstandaǵy tártipsizdik saldarynan jaraqattanǵandar men zardap shekkenderdiń kelýi jalǵasý ústinde.
Oblystyq klınıkalyq aýrýhananyń dárigeri Mırkaıl Otahýdjaevtyń aıtýynsha, Er-kıshlok aýylyndaǵy ótkizý beketinde dúısenbi kúni keshkisinen qazirgi ýaqytqa deıin Qyrǵyzstan aýmaǵynan 24 jaraly jetkizilgen, olardyń 6-aýy oqtan jaraqattanǵan, 4-eýi júkti áıelder jáne 14-i densaýlyǵy kúrt tómendep ketkender.
Sonymen qatar jaralanǵandar arasynda qatty kúıik shalǵan kámelettik jasqa tolmaǵan balalardyń bar ekendigin de atap ótý qajet.
Budan buryn habarlanǵandaı, Qyrǵyzstanda jaralanǵandar Ózbekstannyń Ándijan, Ferǵana jáne Namangan oblystaryndaǵy túrli medıtsınalyq mekemelerge kelýde.
