Ózbekstanǵa esirtki jáne psıhotropty tabletkalar alyp bara jatqan jigit ustaldy

ASTANA. QazAqparat - Shekarada ustalǵan 26 jastaǵy jigitten esirtki jáne psıhotropty tabletkalar tabyldy, dep habarlaıdy QR UQK ShQ baspasóz qyzmeti.

Ońtústik óńirlik basqarmasyna qarasty «Jibek joly» shekaralyq baqylaý bóliminde shekara jasaǵy kedendik jáne shekaralyq tekserý arasynda kezekte turǵan jolaýshylar arasynan «Klementına» atty, esirtki zattaryn tabýǵa arnaıy úıretilgen ıttiń «kórsetýimen», bizdiń elimizden Ózbekstanǵa qaraı ketip bara jatqan Aleksandr esimdi 26 jastaǵy azamatty ustady.

 

It qatelespepti, ustalǵan azamatty jeke shyǵaryp tekserý barysynda onyń qaltasynan «Spaıs» dep atalatyn sıntetıkalyq esirtki zat (4 grammnan astam) jáne 50 danadan astam «Tramadol» dep atalatyn apıyn tektes psıhotropty tabletkalar tabyldy. Ustalǵan azamat aıǵaqty zattarymen birge quqyq qorǵaý organdaryna tapsyryldy.