Ózbekstanǵa bir jylda 5 mln-nan asa týrıst kelgen
TAShKENT. ÓzA - 2022 jyldyń qańtar-jeltoqsan aılarynda Ózbekstanǵa týrıstik maqsatpen 5,2 mıllıon shetel azamaty kelgen. Bul týraly QazAqparat ÓzA silteme jasap habarlaıdy.
Ózbekstannyń statıstıka komıtetiniń habarlaýynsha, bul kórsetkish ótken jyldyń sáıkes kezeńimen salystyrǵanda 3,4 mıllıon adamǵa nemese 2,8 esege óstken.
Saıahattaý maqsatynda kelgender arasynda eń kóbi kórshi Qazaqstannan – 1,5 mıllıonnan astam.
2022 jyly Ózbekstanǵa myna elderden eń kóp azamattary týrıstik maqsatpen kelgen:
- Qazaqstan – 1 mln 551,1 myń adam;
- Tájikstan – 1 mln 447,8 myń adam;
- Qyrǵyzstan – 1 mln 356,9 myń adam;
- Reseı – 567,7 myń adam.
Sondaı-aq Túrkııa (75,6 myń), Ońtústik Koreıa (19,9 myń), Germanııa (17,7 myń), Úndistan (16,8 myń), AQSh (13,1 myń) jáne Frantsııa (11 myń) azamattary kelgen.
