Ózbekstanǵa barǵan sheteldik týrısterdiń ár tórtinshisi — Qazaqstan azamaty
ASTANA. KAZINFORM — 2026 jylǵy qańtar-shilde aılarynda 1 855 562 Qazaqstan azamaty týrıstik maqsatpen Ózbekstanǵa barǵan.
Ózbekstan Ulttyq statıstıka komıtetiniń málimeti boıynsha, jeti aı ishinde elge týrıstik maqsatpen 7 749 308 sheteldik azamat barǵan. Qazaqstan azamattarynyń úlesi jalpy týrıster aǵynynyń shamamen 24%-yn qurady. Demek, Ózbekstanǵa kelgen árbir tórtinshi sheteldik týrıst Qazaqstannan barǵan.
Respýblıkaǵa barǵan eń kóp sheteldik týrıster ishinde Qazaqstan ekinshi oryn aldy.
Qyrǵyzstan 2 177 108 týrıstpen birinshi oryndy, al Tájikstan 1 728 978 týrıstpen úshinshi oryndy ıelendi.
Alǵashqy ondyqqa Reseı (710 824 týrıst), Aýǵanstan (281 200), Qytaı (269 735), Túrikmenstan (192 830), Túrkııa (111 908), Úndistan (32 462) jáne Ońtústik Koreıa (26 512) kirdi.
Jalpy 2026 jyldyń alǵashqy jeti aıynda Ózbekstanǵa barǵan týrıster aǵyny ótken jyldyń sáıkes kezeńimen salystyrǵanda 1,4 mıllıon adamǵa artyp, 22,6%-ǵa ósken.
Buǵan deıin Qazaqstan Ózbekstannyń negizgi úsh saýda seriktesiniń birine aınalǵany habarlanǵan bolatyn.
