Ózbekstanǵa baratyn týrısterge koronavırýsqa qatysty barlyq shekteý alynady

NUR-SULTAN. QazAqparat - Ózbekstanǵa keletin týrıster úshin 10 maýsymnan bastap koronavırýsqa qatysty barlyq shekteýler alynyp tastalady. Bul týraly osy eldiń Týrızm jáne mádenı mura mınıstrliginiń (Týrızm mınıstrligi) baspasóz qyzmeti habarlady, dep jazady COVID-19 taralýyna jol bermeý jónindegi VAK baspasóz qyzmeti.

Bul týraly sheshimdi Týrızm jáne mádenı mura mınıstrliginiń, Sanıtarııalyq-epıdemıologııalyq qadaǵalaý jáne qoǵamdyq densaýlyq qyzmetiniń usynymdaryn eskere otyryp, eldegi epıdemıologııalyq jaǵdaı negizinde Respýblıkanyń arnaıy komıssııasy qabyldady.

«Osyǵan baılanysty sheteldik týrısterden koronavırýsqa PTR-testiniń teris nátıjesin, antıgenderge jedel test jáne vaktsınatsııa týraly sertıfıkat nemese tólqujat berýdi talap etetin erejeler alynyp tastalady», - dep atap ótti vedomstvodan.