Ózbekstanǵa 10 aıda 6,5 mln týrıst barǵan

TAShKENT. KAZINFORM — 2024 jyldyń qańtar-qazan aılary aralyǵynda Ózbekstanǵa shamamen 6,5 mıllıon sheteldik týrıst saıahattaǵan. Bul týraly jergilikti BAQ Ózbekstan Respýblıkasynyń Statıstıka agenttigine silteme jasap habarlady, dep jazady Sınhýa.

Týrıster sany ótken jyldyń sáıkes kezeńimen salystyrǵanda 951,3 myń adamǵa nemese 17,2 paıyzǵa artqan. 

Málim bolǵandaı, eń kóp týrıst Tájikstannan barǵan — 1,878 mln, odan keıin Qyrǵyzstan — 1,870 mln jáne Qazaqstan — 1,2 mln. Al Qytaıdan 57,7 myń týrıst saıahattaǵan, osylaısha bul el 7-orynǵa turaqtady.  

Buǵan deıin habarlanǵandaı, EQQDB Ózbekstanǵa «jasyl» ekonomıkany damytý úshin 200 mıllıon dollar bólýi múmkin.