Ózbekstandyqtar vaktsınanyń qaı túrimen kóp egilýde

TAShKENT. ÓzA – QazAqparat - Ózbekstan Densaýlyq saqtaý mınıstrligi elde vaktsınatsııa naýqanynda halyqqa vaktsınanyń qaı túri kóp egilgeni jóninde málimet berdi. Bul týraly QazAqparat ÓzA silteme jasap habarlaıdy.

1 sáýir kúni bastalǵan jappaı vaktsınatsııanyń alǵashqy 10 kúndiginde AstraZeneca-men 68 paıyz, ózbek-qytaı ZF-UZ-VAC2001 men 32 paıyz vaktsına egilgen. 28 sáýirden Spýtnık V vaktsınasy el turǵyndaryna salyna bastady.

Jalpy 1 aılyq statıstıkalyq qorytyndyǵa saı, AstraZeneca 40,9 paıyz, ZF-UZ-VAC2001 58,4 paıyz, Spýtnık V 0,7 paıyzdyq kórsetkishte azamattarǵan egilgeni málim boldy. Osy aralyqta 797 781 azamatqa ekpe jasalǵan.

Vaktsınatsııanyń ekinshi aıy 1 mamyrda bastalyp, alǵashqy kúni 58 235 adam vaktsınatsııalandy. Osylaısha koronavırýstyq ınfektsııaǵa qarsy vaktsına alǵandar sany 856 016-ǵa jetti.

Eske salsaq, jalpy Ózbekstanda vaktsınalaý úsh preparat – eýropalyq AstraZeneca, qytaı-ózbek taraptary birlesip shyǵarǵan ZF-UZ-VAC2001 jáne Reseıdiń «Spýtnık-V» vaktsınasy arqyly jasalyp jatyr.