Ózbekstandyqtar adam saýdasymen kúresti nyǵaıtý úshin halyqaralyq yntymaqtastyqty arttyrý qajet dep esepteıdi
ASTANA. 27 qarasha. QazAqparat /Aıdar Ospanalıev/ -Adam saýdasymen kúrestiń tıimdiligin arttyrý úshin Eýropadaǵy qaýipsizdik jáne yntymaqtastyq uıymyna múshe elder memlekettik organdar arasynda adam saýdasyna qarsy quqyqtyq kómek kórsetý jumystaryn jetildirip, quqyq qorǵaý organdary arasynda tájirıbe almasýy qajet.
Buny Astanda ótip jatqan EQYU Sammıtiniń Sholý konferentsııasynda ózbekstandyq delegatsııa ókili adam saýdasymen kúrestiń tıimdiligin arttyrýdaǵy mańyzdy úsh baǵyttyń biri retinde atap kórsetti.
Onyń sózine qaraǵanda, adam saýdasymen kúrestegi ortaq mindetterdiń talapqa saı júzege asýy úshin EQYU-nyń aıasynda trenıngter uıymdastyrý arqyly quqyqtyq jáne sot áleýetin arttyrýǵa baǵyttalǵan birlesken túrdegi aımaqtyq jobalardy daıyndap, osy másele boıynsha da halyqaralyq yntymaqtastyqty nyǵaıtý qajet. «Úshinshiden baspasóz betterinde adam saýdasyna qatysty málimetterdiń bolmaýyna kúsh salǵan jón», dedi Ózbekstan ókili.
