Ózbekstandyq jas almatylyqtarmen tanysyp, olardy tonap ketetin bolǵan (FOTO)
ALMATY. QazAqparat - Áýezov aýdany Іshki ister basqarmasynda habarlanǵandaı, Jahangır Qudaıbergenov 32 jastaǵy qazaqstandyq Ulyqbek Salyqov degen esimdi paıdalanǵan.
Ol ózin Ulyqbek dep tanystyryp, negizinen jas qyzdarǵa alaıaqtyq jasaǵan.
«Ol kóp jaǵdaıda jańa tanysqan jas qyzdardy aldaǵan. Mysaly, qyzǵa jumysqa kelip uıaly telefonyn qýattap berýdi ótinedi. Sosyn biraz ýaqyttan keıin onyń telefonymen shuǵyl habarlasyp alýdy suraıdy. Artynsha kóshege shyǵyp, qashyp ketetin bolǵan. Búginde osyndaı 6 jaǵdaı anyqtaldy. Budan basqa jedel, arnaıy sharalar barysynda qaskúnemniń bóten múlikti tonaýǵa qatysqany anyqtaldy, onyń biri - páter urlyǵy. Tergeý kórsetkendeı, er adamnyń Ózbekstan Respýblıkasynyń azamaty ekendigi, bizdiń elde zańsyz júrgeni anyqtaldy», - dep habarlady Áýezov aýdany ІІB bastyǵynyń birinshi orynbasary polıtsııa polkovnıgi Qumarbek Keńshibaev.
Kúdiktiden aldanǵan azamattar bolsa, polıtseıler 298-53-00; 298-53-01; 298-53-02 nemese 102 telefondaryna qońyraý shalý qajettigin habarlaıdy.
