Ózbekstandyq strıptız bıleýshi kúnine 5 dollar tabys tabady
ASTANA. QazAqparat - Ózbekstannyń Samarqan qalasynda «Ózbekstan jastary odaǵynyń» belsendileri mılıtsııa qyzmetkerlerimen birlesip túngi klýbtarǵa reıd júrgizdi, dep habarlaıdy «Svoboda» ózbek radıosy.
Jeti klýbda túrli quqyq buzýshylyqtar anyqtaldy, olardyń birnesheýinde jeńil júristi áıelder qyzmet kórsetken. Ustalǵandardyń ishinde 20 jastaǵy bireýi mılıtsııa qyzmetkerlerine otbasy jaǵdaıynyń aýyrlyǵyna baılanysty strıptız bıleýge májbúr bolǵandyǵyn málimdedi.
«Meniń bul ispen aınalysyp júrgenime bir jyl boldy. Kishkentaı balam bar. Anam aýyr dertke ushyrady, ákem eshqaıda jumys istemeıdi. Strıptız bılep, otbasymdy asyraý úshin men bir túnde 40-50 myń som (shamamen 5 dollar) tabys tabamyn. Arnaıy bilimim bolmaǵandyqtan, basqa jumys isteı almaımyn», - deıdi 20 jastaǵy qyz.
Samarqannyń túngi klýbtarynan ustalǵan 11 qyz mılıtsııa bólimshesine jetkizildi.
Sońǵy ýaqyttarda ózbek basylymdary jezókshelikpen aınalysyp, túngi klýbtarda strıptız bıleıtin jas áıelderdiń ustalǵandyǵy jaıly jıi jazyp júr. Olarǵa qatysty belgili jazalaý sharalary qoldanylady.
