Ózbekstandyq shekarada esirtki alyp ótpek boldy
«Ońtústik» jáne «Soltústik» óńirlik basqarmalaryna qarasty «Jibek joly» (Saryaǵash), «Qordaı-avto», «Býlaevo-temirjol» (Petropavl) ótkizý bólimshelerinde eki ózbekstandyq, bir reseılik esirtki zattarymen quryqtaldy», - dep atap ótilgen Shekara qyzmeti habarlamasynda.
Budan bólek, Almaty halyqaralyq áýejaıynda shekarashylar ýaqytsha tirkeý týraly anyqtamany qoldan jasap alǵan eki Ózbekstan azamatyn ustady. Biri 32-de, ekinshisi 24 jasta. Bular eki kúnde, biraq bir reısten, ıaǵnı «Almaty - Tashkent» baǵytyndaǵy HY-766 áýe reısinen ustaldy.
«Soltústik shekarada eki reseılik pen eki qazaqstandyqtan qarý-jaraq pen arnaıy qorǵanys quraldary tabyldy. Sonymen qatar, Qostanaı shekara otrıadyna qarasty «Qaıraq-avto» bólimshesinde Reseıge qaraı ótip bara jatqan 1993 jylǵy RF azamatynyń jekemenshik «Fort» avtokóliginen «Ýdar M-2» gaz tapanshasy jáne onyń qosalqy aerozol ballony tabylyp, Qarabalyq aýdany boıynsha polıtsııa bólimine tapsyryldy», - delingen taratylǵan málimette.
Belgili bolǵandaı, 1 sáýir kúni Oral shekara otrıadynyń «Syrym-avto» bólimshesinde 38 000 keli qara metall men makýlatýra Reseıge shyǵarylmaı keri qaıtaryldy.
