Ózbekstandyq qylmysker Shymkentte jumys istep júrgen

NUR-SULTAN. QazAqparat tilshisi - Shymkent qalalyq polıtsııa departamentiniń Ekstremızmge qarsy is-qımyl basqarmasynyń qyzmetkerleri Ózbekstan Respýblıkasynda qylmystyq quqyq buzýshylyq jasaǵan azamatty anyqtap, quryqtady, dep habarlaıdy QazAqparat tilshisi ІІM resmı saıtyna silteme jasap.

30 jastaǵy destrýktıvti dinı aǵymnyń jaqtaýshysyn budan buryn kórshi eldiń polıtseıleri halyqaralyq izdeýge jarııalanǵan bolatyn.

«Mıgrant» jáne «Іzdestirý» jedel-profılaktıkalyq is-sharalary barysynda ustalǵan azamat jeke basyn kýálandyratyn qujattaryn joǵaltyp, jergilikti turǵynnyń úıinde jaldanyp jumys istegeni belgili boldy. Qazirgi tańda polıtsııa qyzmetkerleri onyń qujattaryn qalpyna keltirip, Ózbekstanǵa ekstradıtsııalaý boıynsha sharalar qabyldaýda», - delingen habarlamada.