Ózbekstandyq koronavırýsty anyqtaıtyn 900-den astam testi zańsyz alyp ótpek boldy
TÚRKІSTAN. QazAqparat – Ózbekstan azamaty elimizden zańsyz «COVID-19» ınfektsııasyna arnalǵan 952 testini alyp ótpek bolǵan, dep habarlaıdy QazAqparat tilshisi.
20 shilde kúni Túrkistan oblysy prokýratýrasymen qurylǵan jumysshy top pen atalǵan departamentterdiń qyzmetkerleri Saryaǵash aýdanynda ornalasqan keden beketinde tekserý júrgizgen. Tekserý kezinde Ózbekstan Respýblıkasynyń azamaty jalpy quny 3,6 mln teńge turatyn 56 qoraptaǵy «COVID-19» ınfektsııasyna arnalǵan testini júk kóligimen jasyryn túrde alyp ótpek bolǵanyn anyqtaǵan.
Júrgizýshiniń aıtýy boıynsha, atalǵan taýardy ol Reseı Federatsııasynan alyp kelgen. Biraq keden beketinen ótý barysynda atalǵan testterge deklaratsııa tapsyrmaǵan. Atalǵan fakt boıynsha ýákiletti organmen Qazaqstan Respýblıkasy Ákimshilik quqyq buzýshylyq týraly kodeksiniń 551-baby 1-tarmaǵymen ákimshilik quqyq buzýshylyq is qozǵalyp, deklaratsııalanbaǵan tesster tárkilengen. Sheteldik zańbuzýshyǵa 30 aılyq eseptik kórsetkish mólsherinde aıyppul salynǵan.
Odan bólek, sońǵy 4 kúnde jumysshy toppen taǵy da 15 dárihanada joǵary baǵada satylǵan dári-dármekter anyqtalǵan. Árbir derek boıynsha ákimshilik quqyq buzýshylyq týraly is qozǵaý úshin jınaqtalǵan is-qujattar ýákiletti organǵa joldanǵan.
