Ózbekstandyq gasterbaıterler Almatyda qoǵamdyq kólikti zańsyz júrgizip júrgen
ALMATY. QazAqparat - Almatyda «Avtobýs» jedel-profılaktıkalyq sharasy jalǵasyp jatyr. 4 kún ishinde quqyq qorǵaý organynyń ókilderi 700-ge jýyq zańbuzýshylyqty áshkereledi, dep habarlaıdy QazAqparat tilshisi.
«Júrgizilgen reıd barysynda tehnıkalyq aqaýy bar 10 avtobýsty aıyp turaǵyna qoıdyq. Osyǵan baılanysty avtokásiporyndardyń 8 jetekshisi ákimshilik jazaǵa tartyldy. Sondaı-aq, bir adam kólik basqarýǵa quqyǵy bolmasa da avtobýs júrgizgeni belgili boldy. Taǵy da 4 Ózbekstan azamaty avtobýspen jolaýshylardy tasymaldaýmen aınalysqan. Olardyń kólik basqarmaq túgil Qazaqstan terrıtorııasynda turýǵa ruqsaty joq bolyp shyqty», - dedi qalalyq ІІD basqarmasynyń basshysy Jandos Muratálıev.
Onyń aıtýynsha, mundaı jaýapsyzdyq qoǵamdyq kólikterdiń qaýiptiligin arttyra túsedi.
«2017 jyldyń basynan beri avtobýstar 78 ret jol apatyna túsken. Jol apatynan 4 adam qaza bolǵan, 115 adam jaralanǵan. Avtobýs júrgizýshisiniń kesirinen 57 jol apaty bolsa, onyń saldarynan 2 adam qaza bolyp, 67 adam jaralandy», - dedi ol.
Aıta ketý kerek, Almatyda qazirgi tańda 21 avtokásiporyn bar. 1800 avtobýs 112 marshrýtta jolaýshylardy tasymaldaıdy.
