Ózbekstandyq azamat páterde qarasora ósirmek bolǵan - Atyraý
ATYRAÝ. Naýryzdyń 2-si. QazAqparat /Andreı Sokolov/ - Atyraýlyq polıtseıler satý úshin 3 gramm geroın alyp kelgen 27 jastaǵy Ózbekstan azamatyn ustady.
Oǵan qosa, keıinnen álgi azamattyń Atyraýda esirtki ósirmek te bolǵany anyqtalyp otyr.
Oblystyq ishki ister departamentiniń baspasóz hatshysy Gúlnázıra Muhtarovanyń aıtýynsha, ózbekstandyq azamat geroın satý ústinde ustalǵan. Al onyń Atyraýda jaldap turyp jatqan páterin tintý kezinde, polıtseıler gúl qumyralaryna otyrǵyzylǵan qarasoranyń shaǵyn plantatsııalaryn tapqan.
«Ustalǵan azamat, esirtkini Ózbekstannan tasymaldaý sııaqty táýekeldi isten bas tartyp, qarasorany osynda ósirmek bolǵanyn moıyndady», dep habarlady G.Muhtarova.
