Ózbekstandyqty AQSh-tyń ornyna Afrıkaǵa jumysqa jibergen kúdikti ustaldy

TAShKENT. KAZINFORM –  Ózbekstannyń Jızaq oblysynda jergilikti turǵyndy AQSh-qa jumysqa ornalastyramyn dep ýáde berip, biraq ony Ońtústik Afrıkaǵa jibergen er adam ustaldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Jızaq oblysy boıynsha Іshki ister bas basqarmasynyń málimetinshe, «Haırobod» mahallıasynyń I.M. esimdi turǵyny quqyq qorǵaý organyna aryz túsirgen. Onyń ulyna A.ıA. esimdi azamat AQSh-qa jumysqa jiberýge ýáde etip, ol úshin 14,3 myń dollar alyp, aryzdanýshynyń balasyn Ońtústik Afrıkaǵa jibergen.

Sondaı-aq jábirlenýshi ulynyń Afrıkada qıyn jaǵdaıda qalyp qoıǵanyn jáne A.ıA. esimdi turǵynnyń máseleni sheship berý úshin taǵy 6700 dollar suraǵanyn málimdegen.

Kúdikti aqshany alý kezinde ustaldy. Qazirgi tańda atalǵan fakti boıynsha qylmystyq is qozǵalyp, tergeý júrip jatyr.