Ózbekstandyqtar endi agrarlyq ýnıversıtette 3 jyl oqıdy
ASTANA. KAZINFORM — 2026-2027 oqý jylynan bastap agrarlyq joǵary oqý oryndarynda kadrlardy daıarlaý júıesi jańa formatta — 3 jyldyq bilim berý baǵdarlamasyna negizdelgen túrde qurylady, dep habarlaıdy ÓR Ádilet mınstrliginiń baspasóz qyzmeti.
Ózbekstan Prezıdentiniń «Tashkent memlekettik agrarlyq ýnıversıtetiniń qyzmetin jetildirý boıynsha qosymsha sharalar týraly» qaýlysyna sáıkes, agrarlyq salada bilim berý protsesteri túbegeıli jańartylady.
Jańa júıege sáıkes, oqý protsesindegi teorııalyq jáne praktıkalyq sabaqtardyń araqatynasy birtindep ózgeredi. Atap aıtqanda, 1-kýrsta sabaqtardyń 60 paıyzy teorııalyq, 40 paıyzy praktıkalyq bolady. 2-kýrsta bul kórsetkishter teńestirilip, árqaısysy 50 paıyzdan bólinedi. 3-kýrsta negizgi nazar praktıkaǵa aýdarylady, 70 paıyzy praktıkalyq, 30 paıyzy teorııalyq sabaqtar bolady.
Sondaı-aq stýdentterdiń praktıkalyq daǵdylaryn odan ári nyǵaıtý maqsatynda joǵary kýrstardaǵy oqý protsesi 4 aılyq úzdiksiz dýaldy bilim berý túrinde uıymdastyrylady. Bul rette stýdentter teorııalyq bilimnen bólek óndiristik jáne salalyq kásiporyndarda praktıkalyq tájirıbe alady.
Bul ózgerister agrarlyq salada tájirıbeden ótýge daıyn básekege qabiletti mamandardy daıarlaý sapasyn arttyrýǵa qyzmet etedi dep kútiledi.
Eske sala keteıik, Ózbekstanda keshikken poıyzdardyń jolaýshylaryna ótemaqy tólenýi múmkin.
