Ózbekstandyqtar alaıaqtar rásimdegen nesıelerdi tóleýden bosatylmaq

TAShKENT. KAZINFORM – Ózbekstanda turǵyndardyń atyna alaıaqtyq jolmen rásimdelgen nesıeler esepten shyǵarylady. Bul týraly prezıdent Shavkat Mırzıeevtiń tóraǵalyǵymen ótken keńeste aıtyldy, dep habarlaıdy Kazinform agenttiginiń menshikti tilshisi.

Jınalysta málim bolǵandaı, búginde ǵalamtordy Ózbekstannyń 31 mıllıonnan astam turǵyny paıdalanady. Tıisinshe, keıingi 5 jylda kıberqylmystardyń sany 68 ese ósken. Bıyldyń ózinde 46 myńnan astam fakti anyqtalyp, jeke jáne zańdy tulǵalarǵa 1,2 trln sýmnan (shamamen 99,7 mln dollar) astam zalal keldi.

Derbes derekterdi qorǵaýdyń senimdi mehanızminiń bolmaýy, sondaı-aq kompanııalardyń klıentter týraly málimetteri ashyq bazada saqtaýy máseleniń negizgi sebebi bolyp otyr.

Atalǵan olqylyqtardy eskere otyryp, Shavkat Mırzıeev qıberqaýipsizdik sharalaryn kúsheıtýdi tapsyrdy. Sonymen qatar, ol turǵyndardy alaıaqtyq jolmen rásimdelgen nesıelerdi tóleýden bosatýdy júktedi.

Eske salaıyq, byltyr Ózbekstannyń Ortalyq banki alaıaqtar urlaǵan 9,5 mlrd sýmdy (shamamen $732 myń) buǵattap tastaǵan.

Qosa keteıik, buǵan deıin Qazaqstanda alaıaqtar Memlekettik kirister komıtetiniń ókili retinde habarlasyp bastaǵanyn jazyp edik.