Ózbekstandyq Silk Way Star baıqaýynyń qatysýshysy grand-fınaldaǵy basty qarsylasyn atady
ASTANA.KAZINFORM - Azııadaǵy alǵashqy vokaldyq Silk Way Star mega-jobasynyń ózbekstandyq qatysýshysy Madınaboný Adylova baıqaýdan alǵan áserin bólisip, «Bugin.Live» baǵdarlamasynda eń myqty qarsylasyn atady.
Ánshiniń aıtýynsha, jobaǵa qatysýshylardyń deńgeıi óte joǵary, sondyqtan básekelestik týraly aıtý qıyn. Alaıda barlyq qatysýshy ishinen ol Armenııadan kelgen Saro Gevorgıandy erekshe atap ótti.
- Biz munda bárimiz kásipqoı ánshimiz, bári shetinen myqty. Biraq qarsylas týraly aıtar bolsaq, men armenııalyq Saro Gevorgıannan ozǵym keler edi. Ol óte myqty. Meniń oıymsha, ol osy jobadaǵy eń talantty ári eń kásibı ánshi. Onyń ár oryndaýy keremet, - dedi Madınaboný Adylova.
Ánshi muny básekelestik emes, jeke shyǵarmashylyǵyn baǵalaý ekenin atap ótti. Ol sondaı-aq qatysýshylar arasyndaǵy dostyq atmosferany atap ótip, áriptestermen efırden tys baılanysy týraly aıtty.
- Bizdiń aramyzda dostyq qatynas ornady. Jıi sóılesemiz. Bizdiń ortaq chatymyz bar, bárimiz bir-birimizben aralasamyz, - dep qosty ánshi.
Aıta keteıik, Azııanyń eń myqty jeti daýys ıesi fınaldyq kezeńge ótti:
•ALEM (Qazaqstan)
•ıAzmın Azız (Malaızııa)
•Avtandıl Abeslamıdze (Grýzııa)
•Mıshel Djozef (Mońǵolııa)
•Chjan He Sýan (Qytaı)
•Saro Gevorgıan (Armenııa)
•Madınaboný Adylova (Ózbekstan)
Grand-fınal 22 qarashada ótedi jáne saǵat 20:00-de Jibek Joly TV arnasynda tikeleı efırde kórsetiledi. Habarlar bir mezgilde Qazaqstan, Ázerbaıjan (Space TV), Tájikstan (Safina), Qyrǵyzstan (Muzika jáne Madania) jáne Mońǵolııada (UBS jáne AIST Global) kórsetiledi.
Jeńimpaz aralas júıe boıynsha anyqtalady: 50% qazylar alqasy jáne 50% onlaın kórermenderdiń daýys berýi arqyly. Siz de ózińizge unaǵan ánshińizdi silkwaystar.org saıtynda qoldaı alasyz.
Silk Way Star Qazaqstan Respýblıkasy Prezıdentiniń Teleradıokesheni men China Media Group (CMG) arasyndaǵy kelisim boıynsha júzege asyrylyp jatyr.