Ózbekstandyq sheneýnikterge ulttyq kıim kııý usynyldy
TAShKENT. KAZINFORM — Aptanyń ár jumasy Tashkenttegi memlekettik mekemelerde ulttyq kıim kúni bolyp bekitildi, dep habarlaıdy Kazinform agenttiginiń menshikti tilshisi.
«Ulttyq Tashkent» jobasyn júzege asyrýǵa baǵyttalǵan qaýlyǵa Ózbekstan astanasynyń hokımi Shavkat Ýmýrzakov qol qoıdy. Atalǵan baǵdarlamany iske asyrý úshin arnaıy jumys toby qurylady.
Qujatqa saı, Tashkentte uıymdastyrylatyn barlyq buqaralyq is-shara ulttyq naqyshta bezendiriledi jáne onyń qatysýshylary ózbek halqynyń dástúrli kıimin kıedi.
Sonymen qatar, joba aıasynda qala men aýdandardaǵy memlekettik mekemelerdiń qyzmetkerlerine tek juma kúni emes, kúndelikti negizde ulttyq kıim kııý usynylady.
Buǵan qosa, qoǵamdyq kólik, vagon men metro stantsııalary ulttyq naqyshtaǵy elementtermen bezendiriledi.
Eske salaıyq, Ózbekstan basshysy memlekettik organdarǵa qyzmettik shyǵyndardy qysqartýdy tapsyrdy.
Buǵan deıin habarlaǵanymyzdaı, Ózbekstanda jemqorlyqqa beıim keletin sheneýnikterdi erte anyqtaý tájirıbesi engizilmek.