Ózbekstandyq fýtbolshy Hýsanovtyń Anglııada qansha jalaqy alatyny belgili boldy
TAShKENT. KAZINFORM - «Manchester Sıtı» ózbekstandyq ortalyq qorǵaýshysy Abdýqodır Hýsanovtyń klýbqa aýysqanyn resmı túrde rastady. Fýtbolshy Anglııa klýbymen 2029 jyldyń maýsymyna deıin sozylatyn uzaq merzimdi kelisimge qol qoıdy, dep habarlaıdy Kazinform agenttigi upl.uz saıtyna silteme jasap.

Kelisimshartta Hýsanovtyń kelisimdi taǵy bir maýsymǵa uzartý múmkindigi qarastylǵan, ol 2030 jylǵa deıin klýbta qalýǵa múmkindik beredi.
Transfer quny, ártúrli derekkózderge sáıkes, 40 mıllıon eýroǵa baǵalandy. Osylaısha, Hýsanov «Manchester Sıtı» satyp alǵan eń qymbat qorǵaýshylardyń biri boldy. Fýtbolshyǵa jaqyn derekkóz Narzýlla Saıdýllaev Hýsanovtyń aǵylshyn klýbyndaǵy jyldyq jalaqysy shamamen 3,5 mıllıon eýro (aptasyna shamamen 67 000 eýro) bolatynyn habarlady.
Abdýqodır Hýsanovtyń «Manchester Sıtıge» aýysýy - Ózbekstan fýtboly úshin tarıhı mańyzǵa ıe. 24 jastaǵy qorǵaýshy Ózbekstannyń Aǵylshyn Premer-Lıgasyndaǵy (APL) alǵashqy ókili boldy.
Bul transfer - jas fýtbolshynyń mansabyn damytýdaǵy mańyzdy qadam jáne Ózbekstan fýtbolynyń halyqaralyq arenada ósip kele jatqan deńgeıiniń dáleli.
Hýsanov «Manchester Sıtıdegi» debıýtin aldaǵy «Chelsıge» qarsy matchta jasaıdy dep kútilip otyr. Jankúıerler onyń álemniń eń myqty chempıonattardyń birindegi oıynyn taǵatsyzdana kútýde.
Talantty qorǵaýshynyń kelýi klýbtyń qorǵanys shebin nyǵaıtyp, negizgi quramdaǵy oryn úshin básekeni arttyrary sózsiz.
Eske sala keteıik, ózbekstandyq fýtbolshy Hýsanov Manchester-Sıtıde oınaýy múmkin ekeni jaıly jazǵan edik.