Ózbekstandyq eńbek mıgranttarynyń aqsha aýdarymdary jalpy halyq tabysynyń 16% teń
TAShKENT. KAZINFORM – Ózbekstanda halyqtyń barlyq jıyntyq tabysynyń shamamen 16 paıyzy eńbek mıgranttarynyń aqsha aýdarymdarynan keledi, dep habarlaıdy Kazinform agenttiginiń menshikti tilshisi Álıhan Asqar.
Ózbekstan Ortalyq bankiniń esebine sáıkes, eńbek mıgratsııasy halyqtyń jıyntyq tabysyna, ishki suranysqa jáne aqsha aýdarymdarynan bolatyn balansynyń turaqtylyǵyna áser etedi.
«2018-2023 jyldar aralyǵynda halyqtyń barlyq jıyntyq tabysynyń shamamen 16%-y eńbek mıgranttarynyń aqsha aýdarymdaryna tıesili boldy. Saýda balansy tapshylyǵynyń kóp bóligi transshekaralyq aqsha aýdarymdarynyń esebinen óteledi», - delingen Ortalyq bank aqparatynda.
Aıta keteıik, búginde eńbek mıgranttary negizinen jaqyn mańdaǵy elderde, ıaǵnı Reseı men Qazaqstanda shoǵyrlanǵan.
