Ózbekstandyq eki dúrkin Olımpıada chempıony eki jylǵa jarystan shettetildi

ASTANA. KAZINFORM — Ózbekstandyq taekvondoshy, eki dúrkin Olımpıada chempıony Ýlýgbek Rashıtov dopıngke qarsy erejelerdi buzǵany úshin eki jylǵa sporttan shettetildi, dep habarlaıdy Halyqaralyq dopıng-test agenttigi (ITA). 

ITA málimdemesinde sportshynyń ótken jyly óziniń turǵan jerin kórsetý erejelerin úsh ret buzǵany, bul dopıngke qarsy erejeni buzý (ADRV) retinde jiktelgeni aıtylǵan.
Rashıtov zereje buzýshylyq týraly aıyptaýǵa qarsy shyqpaǵany jáne ITA usynǵan sanktsııalarmen keliskeni atap ótildi.

Sportshynyń sporttan shettetilgen merzimi erikti túrde ýaqytsha shettetilgen kúnnen – 2025 jyldyń 13 mamyrynan bastalady jáne 2027 jyldyń 12 mamyryna deıin jalǵasady.
Sonymen qatar sportshynyń ereje buzýshylyq jasalǵan kezden bastap (2025 jyldyń 3 aqpany) dıskvalıfıkatsııa kezeńi bastalǵanǵa deıin kórsetken barlyq jeke jarys nátıjeleri joıylady.

Eske sala keteıik, ózbekstandyq aýyr atlet dopıng qoldanǵany úshin jarystan shettetilgeni jaıly jazǵan edik.