Ózbekstandyq áıel 1,5 jyldan astam ýaqyt boıy balasyn azaptap kelgen

TAShKENT. KAZINFORM - Ózbekstandaǵy Buhara oblysy Shafırkan aýdanynyń turǵyny 1,5 jyldan astam ýaqyt boıy 5 jasar balasyn besikke baılap, taıaqpen jáne basqa da zattarmen uryp-soqqan. Bul týraly Gazeta.uz saıty jazdy.

Ózbekstannyń balalar ombýdsmany Sýraııa Rahmonovanyń baspasóz qyzmeti málimdegendeı, aýdandyq ІІO júrgizgen tergeýge deıingi tekserý barysynda kúdikti S. N. balasyn (2018 jyly týǵan) besikke salyp, baılap, taıaqpen jáne basqa da zattarmen urǵany anyqtaldy. Mundaı zorlyq-zombylyq kem degende 2022 jyldyń naýryzynan 2023 jyldyń qarashasyna deıin sozylǵan.

Anasyna qatysty Ózbekstan Qylmystyq kodeksiniń 110-baby 2-bóligindegi tarmaqtar boıynsha qylmystyq is qozǵaldy (dármensiz kúıdegi kámeletke tolmaǵan adamdy azaptaý).

«Balalar ombýdsmany balanyń múddelerin senimdi túrde qamtamasyz etýdi jalǵastyrady», — delingen habarlamada.