Ózbekstandaǵy shańdy daýyldyń spýtnıkten túsirilgen sýretteri jarııalandy
TAShKENT. QazAqparat – Sınoptıkter Ózbekstan men Ortalyq Azııanyń basqa da elderin basyp qalǵan shańdy tumannyń spýtnıktik sýretin jarııalady, dep habarlaıdy QazAqparat menshikti tilshisi Ózgıdramet-ke silteme jasap.
Sýretke túsirilgen shańdy daýyl Ózbekstannyń Tashkent, Syrdarııa, ishinara Jızaq jáne Ferǵana oblystarynda, sondaı-aq Qazaqstannyń ońtústik oblystarynda jáne Tájikstannyń keıbir oblystarynda tirkelgen.
Eske sala keteıik, 4 qarashada Ózbekstan aýmaǵyn sınoptıkterdiń málimetinshe, 150 jyl ishinde alǵash ret baıqalǵan shańdy daýyl basyp qalǵan bolatyn. Alǵashqy kúnderi aýadaǵy shań men qumnyń shoǵyrlaný mólsheri normadan 30 ese asyp tústi.
Avtory: Mádibek Jánibekov
