Ózbekstandaǵy saılaýdyń barysyn 250-den astam baıqaýshy baqylaıtyn bolady - Ózbekstan SІM
TAShKENT. Jeltoqsannyń 3-i. QazAqparat /Qurmat Samarhan/ - Ózbekstannyń Olıı Majlısine ótetin saılaýdyń barysyn álem elderi men halyqaralyq uıymdardyń atynan 250-den astam ókil baqylaıtyn bolady.
Bul týraly Ózbekstannyń Syrtqy ister mınıstri Vladımır Norov Afınyda ótken EQYU Syrtqy ister mınıstrleri keńesiniń 17-shi kezdesýinde málim etti, dep habarlady Ózbekstannyń syrtqy saıasat vedomstvosynyń baspasóz qyzmetinen.
Vedomstvonyń baspasóz qyzmetinen habarlaǵandaı, Syrtqy ister mınıstri jeltoqsannyń 27-sinde Ózbekstanda kezekti parlamenttik saılaý ótetinin jetkizdi. Parlamenttegi 150 orynǵa tórt saıası partııa men Ózbekstannyń ekologııalyq qozǵalysy qoǵamdyq uıymynyń atynan kandıdattar talasady.
Qazirgi ýaqytta parlamentke 517 kandıdat usynyldy, olardyń 31,9 paıyzyn áıeldep qurap otyr.
Saılaý úderisiniń ashyqtyǵyn qamtamasyz etý maqsatynda, saılaýǵa jergilikti jáne halyqaralyq baıqaýshylar qatysady. «Búgingi tańda álemniń 36 eli men TMD, ShYU, Islam konferentsııasy uıymy, EQYU-nyń Demokratııalyq ınstıtýttar jáne adam quqyqtary bıýrosynyń atynan 250-den astam ókil saılaý barysyn baqylaýǵa qatysatyndaryn qýattady», dep habarlaıdy mınıstrliktiń baspasóz qyzmeti V.Norovtyń sózine silteme jasap.
