Ózbekstandaǵy prezıdenttik saılaýda 100 myń adam merziminen buryn daýys berdi
ASTANA. QazAqparat - Ózbekstandaǵy prezıdenttik saılaýda 115 myńǵa jýyq adam merziminen buryn daýys berdi, dep habarlaıdy « Interfaks».
Merziminen buryn daýys berý saılaýdan on kún buryn - 24 qarashada bastalyp, 2 jeltoqsanda aıaqtaldy.
Ortalyq saılaý komıssııasynyń derekterine qaraǵanda, saılaýda 21,5 mıllıonǵa jýyq saılaýshy daýys berýi tıis.
Eske sala ketsek, Ózbekstan prezıdentin saılaý 4 jeltoqsanda ótedi.
Óz kandıdattaryn tórt saıası partııa tirkedi. Kásipkerler men isker adamdar qozǵalysy -Ózbekstannyń Lıberaldyq-demokratııalyq partııasy prezıdenttike memleket basshysy mindetin atqarýshy Shavkat Mırzıeevti,
"Mıllıı tıklanısh" demokratııalyq partııasy - parlamenttiń tómengi palatasy spıkeriniń orynbasary Sarvar Otamýradovty, Ózbekstan Halyqtyq-demokratııalyq partııasy jáne "Adolat" Sotsıal-demokratııalyq partııasy óz kóshbasshylary - Hotamjon Ketmonov pen Narımon Ýmarovty tirkedi.
