Ózbekstandaǵy Prezıdenttik saılaý: Merziminen buryn daýys berý bastaldy

TAShKENT. QazAqparat – 2021 jyl 14 qazannan bastap, Ózbekstandaǵy Prezıdenttik saılaýda merziminen buryn daýys berý bastaldy. Bul merzim 14-20 qazan aralyǵyna eseptelgen., dep habarlaıdy QazAqparattyń menshikti tilshisi.

Saılaý zańnamasyna sáıkes, Ózbekstanda saılaýdyń negizgi kúninde qandaı da bir sebeptermen turǵylyqty jeri boıynsha daýys bere almaıtyn azamattar merzimge deıin daýys berýge quqyly. Merzimge deıin daýys berý saılaýdan on kún buryn bastalyp, aıaqtalýyna úsh kún qalǵanda aıaqtalady.

Shetelde júrgen ózbekstandyqtar úshin 49 elde saılaý ýchaskesi ashyldy. Qazaqstan aýmaǵynda ýchaskeler Nur-Sultan, Almaty jáne Aqtaý qalalaryndaǵy dıpókildikterde ashylǵan, sondaı-aq barlyq oblystarda kóshpeli saılaý komıssııalary jumys isteıtin bolady.
Eske sala ketsek, Ózbekstan prezıdentin saılaý 24 qazanda ótedi. Saılaýǵa bes kandıdat, sonyń ishinde qazirgi Prezıdent Shavkat Mırzıeev qatysýda.