Ózbekstandaǵy kezekten tys prezıdent saılaýy: daýys berý aıaqtaldy
Saǵat 20:00-de daýys berý resmı túrde aıaqtaldy. Komıssııa músheleri daýysty sanaýǵa kiristi.
OSK málimetinshe, ýaqyt beldeýin eskere otyryp, AQSh pen Eýropa elderindegi sheteldik saılaý ýchaskelerinde daýys berý protsesi jalǵasyp jatyr. OSK-nyń sońǵy jarııalaǵan málimeti boıynsha, saǵat 17:00-de prezıdent saılaýyna saılaýshylardyń 69,85 paıyzy qatysqan. Saılaýdyń aldyn ala qorytyndysy erteń, 10 shildede belgili bolady.
Buǵan deıin Ózbekstanda kezekten tys prezıdent saılaýy ótip jatqany týraly habarlanǵan bolatyn. Saǵat 11.00-degi jaǵdaı boıynsha daýys berýge saılaýshylardyń 33 paıyzdan astamy qatysty. Soǵan baılanysty saılaý ótti dep tanyldy.
Saılaýǵa tórt úmitker qatysyp jatyr. Onyń ishinde qazirgi prezıdent Shavkat Mırzıeev ta bar. Saılaýda jeńiske jetý úshin kandıdat 50 paıyzdan astam daýys jınaýy kerek.
