Ózbekstandaǵy qazaqtardy tez arada kóshirý qajet - Prezıdentke túsken hattardan
ASTANA. Qarashanyń 2-si. QazAqparat /Arman Asqarov/ - Ózbekstannyń Naýaı oblysy Tamdy aýdanynda turyp jatqan qazaqtardy tez arada kóshirý qajet.
Búgin, qarashanyń 2-si kúni Elbasy Nursultan Nazarbaevtyń tikeleı jeli arqyly tildesýine oraı ashylǵan Baılanys ortalyǵyna habarlasqan Serdan Qamaluly osylaı aıtty, dep habarlaıdy QazAqparat.
«Men, ózim sol jerdegi qazaq mádenı-ulttyq ortalyǵyn basqarǵan edim. Shyny kerek, sol kezdiń ózinde jergilikti ult ókilderi bizge qysymshylyq jasap, áleýmettik-ekonomıkalyq jaǵynan qaǵajý kórdik. Ol kezde Tamdy aýdanynda 25 myń qazaq turǵan. Qazir olardyń úshten bir bóligi Qazaqstanǵa kóship kelgen. Qalǵan qandastarymyz óz Otanyna kóshe almaı, qıyn jaǵdaıǵa tap bolýda. Men ózim qazaq mádenı-ulttyq ortalyǵynyń jetekshisi retinde olardyń bárin bilemin. Sondyqtan Qazaqstanǵa kóshirilgen jaǵdaıda Qazaqstannyń ıgiligi úshin eńbek etýlerin qamtamasyz ete alamyn»,-deıdi S.Qamauly.
