Ózbekstandaǵy Qazaqstan jylynyń sharalar jospary bekitildi

TAShKENT. QazAqparat - Ózbekstandaǵy Qazaqstan jylyn ótkizý sharalarynyń jospary bekitildi, dep habarlaıdy «QazAqparat» HAA-nyń Ózbekstandaǵy menshikti tilshisi.

Ortalyqazııalyq І ekonomıkalyq forým aıasynda QR Premer-Mınıstriniń orynbasary Jeńis Qasymbek pen Ózbekstan Úkimet basshysynyń birinshi orynbasary Achılbaı Ramatov ekijaqty kelissózder ótkizdi. Onyń barysynda taraptar eki el arasyndaǵy saýda-sattyqty arttyrý, sondaı-aq aýyl sharýashylyǵy, sý-energetıkasy, aqparat, tranzıttik-kólik salalaryndaǵy yntymaqtastyqty arttyrý máselelerin qarastyrdy. Budan bólek, óńiraralyq jáne shekaramańy baılanystaryn, mádenı-gýmanıtarlyq yqpaldastyqty damytý jaıy sóz boldy.

Ekijaqty kelissózder nátıjesinde taraptar Ózbekstanda ótetin Qazaqstan jyly sharalaryn ótkizý josparyna qol qoıdy.

Aıta keteıik, Tashkentte 15 naýryz kúni Ortalyq Azııa elderi premer-mınıstrleri orynbasarlarynyń qatysýymen Ortalyqazııalyq Birinshi ekonomıkalyq forým ótti. Sharada sondaı-aq Ortalyq Azııa aımaǵy elderiniń múmkindikterin kórsetetin taqyryptyq prezentatsııalar uıymdastyryldy.

Avtory: Mıras Qýandyqov