Ózbekstandaǵy Qazaqstan elshisi Sabyr Rahımovtyń músinine gúl shoqtaryn qoıdy

TAShKENT. QazAqparat - Qazaqstan Respýblıkasynyń Ózbekstandaǵy Tótenshe jáne ókiletti elshisi Bóribaı Jeksenbın Jeńis kúnine oraı ótken saıası sharalarǵa qatysty.

Atap aıtqanda, ol bastaǵan qazaqstandyq dıplomatııalyq ókildiktiń qyzmetkerleri «Mýstakıllık» alańynda ornalasqan Qaıǵyryp otyrǵan ana eskertkishine gúl shoqtaryn qoıdy.

Sondaı-aq qazaqstandyq dıplomatııalyq ókildiktiń basshysy ózge áriptesterimen birge Volgograd memorıaldyq zıratyna baryp gúl shoqtaryn qoıdy. Budan bólek, B. Jeksenbın osy zırattaǵy Sabyr Rahımovtyń músinine gúl qoıyp, batyr rýhyna taǵzym etti.