Ózbekstandaǵy Qazaqstan elshisi qarajat jymqyrdy degen kúdikke ilindi

ASTANA. QazAqparat - Ózbekstandaǵy Qazaqstan elshisi bıýdjet qarajatyn jymqyrý boıynsha kúdikke ilindi. Bul týraly Astanada ótken brıfıngte QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova málim etti, dep habarlaıdy QazAqparat.

«Sybaılas jemqorlyqqa qarsy is-qımyl ulttyq bıýrosy asa iri kólemde bıýdjet qarajatyn jymqyrdy degen kúdikpen Ózbekstandaǵy Qazaqstan Elshisin áshkereledi. Ol jaýapty memlekettik laýazymdy atqara otyryp, Ózbekstandaǵy QR Elshiliginiń ákimshilik ǵımaratynyń qurylysy boıynsha atqarylǵan jumystar týraly jalǵan aktilerge qol qoıdy dep kúdiktelip otyr», - dedi resmı ókil.

Belgili bolǵandaı, bul zańsyz áreketter saldarynan keltirilgen shyǵyn kólemi 140 mln teńgeden asqan.