Ózbekstandaǵy qazaq ulttyq mádenı ortalyǵy 25 jyldyǵyn atap ótti
TAShKENT. QazAqparat - Ózbekstandaǵy qazaq ulttyq mádenı ortalyǵy 25 jyldyǵyn atap ótti.
Atalmysh sharaǵa Qazaqstan jaǵynan QR Ózbekstandaǵy Tótenshe jáne Ókiletti Elshisi Erik Ótembaev jáne Ońtústik Qazaqstan oblysy Qazaqstan halqy Assambleıasy hatshylyǵynyń basshysy Muratáli Qalmuratov, sondaı-aq qazaq mádenı ortalyqtarynyń ókilderi qatysty, dep habarlaıdy «QazAqparat» HAA tilshisi.
Mereıtoılyq shara Mýstakıllık alańyndaǵy Ózbekstan táýelsizdigi monýmenti men Abaı eskertkishine gúl shoqtaryn qoıýdan bastaldy. Sonymen qatar, Respýblıkalyq ınternatsıonaldyq mádenı ortalyǵynda taqyryptyq konferentsııa uıymdastyryldy. Ári qaraı merekelik shara etnoqalashyqta tigilgen kıiz úıler men qazaq mádenıetinen syr shertetin kórmede uıymdastyrylǵan kontserttik baǵdarlamalarǵa ulasty.
Ózbekstandaǵy qazaq mádenıeti ortalyǵynyń qurylý tarıhy ÓR ǵylym akademııasy janynan Qazaq aqparat ortalyǵy qurylǵan 1989 jyldan bastaý alady. 1992 jylǵy qazaqtardyń birinshi quryltaıynan keıin, aqparat ortalyǵy Ózbekstandaǵy qazaq mádenı ortalyǵyna aýystyrylyp, 1995 jyldyń 31 qazanynda ÓR ádilet mınıstrligimen tirkeldi. 
ÓR respýblıkalyq qazaq mádenı ortalyǵynyń quramyna Qaraqalpaqstan Respýblıkasy qazaq ulttyq-mádenı ortalyǵy, sondaı-aq Jyzaq, Noǵaı, Syrdarııa, Horezm, Tashkent oblystyq mádenı ortalyqtary kiredi. 
