Ózbekstandaǵy etnıkalyq qazaqtardyń kishi quryltaıy ótedi
Іs-sharany uıymdastyrýǵa Dúnıejúzi qazaqtary qaýymdastyǵy, QR Aqparat jáne qoǵamdyq damý mınıstrligi jáne «Otandastar qory» men Ózbekstandaǵy qazaq ulttyq mádenı ortalyǵymen birlesip uıymdastyryp otyr.
Qalyptasqan epıdemıologııalyq ahýalǵa baılanysty sharany aǵymdaǵy jyldyń 21 qazan kúni tuńǵysh ret onlaın rejıminde Ózbekstandaǵy qazaq dıasporasymen ótkizý josparlanýda.
«Dástúrge aınalǵan kishi quryltaıdy Elbasy Nursultan Nazarbaev basqaratyn Dúnıejúzi qazaqtary qaýymdastyǵy ótkizip keledi. Sońǵy jyldary Reseı, Evropa qazaqtarynyń kishi quryltaıy ótken. Bıyl birinshi ret pandemııaǵa baılanysty Ózbekstandaǵy qazaqtardyń kishi quryltaıyn onlaıyn rejıminde ótkizýdi uıymdastyryp otyrmyz. Kezdesýdiń basty maqsaty – baýrlas Qazaqstan - Ózbekstan arasyndaǵy dostyq qarym-qatynas, mádenı-rýhanı baılanystaryn nyǵaıtý. Ózbekstandaǵy qazaq dıasporasyna qoldaý kórsetý, mádenı - baılanysty keńeıtý, olardyń túıtkildi máselelerin sheshý joldaryn qarastyrý», - deıdi DQQ Tóraǵanyń birinshi orynbasary Zaýytbek Turysbekov.
Osy quryltaıǵa Ózbekstannyń Tashkent, Syrdarııa, Naýaı, Buhara, Horezm oblysy jáne taǵy basqa elderdegi qazaq ulttyq mádenı ortalyqtarynyń basshylary men QR memlekettik mekemelerdiń ókilderi, qoǵam, óner qaıratkerleri qatysady.
