Ózbekstandaǵy bosqyndar lageriniń birinde Qazaqstan azamaty bar

Er-kıshlok aýylyndaǵy lagerde Qyrǵyzstan aýmaǵynan kelgen QR azamaty Elıza Súlıeva bar bolyp shyqty.

QazAqparat tilshisimen áńgime kezinde Qazaqstan azamaty lagerge eki kún buryn kelgenin aıtty. Onyń aıtýynsha, ol qyrǵyzdyń Osh qalasyna mamyrdyń 13-inde anasyna barǵan. «Biz Qyrǵyzstandaǵy kúrdeli jaǵdaıǵa baılanysty tez jınalyp, Ózbekstanǵa keldik», - dep túsindirdi E.Súlıeva.

Ózbekstanǵa Qazaqstan azamatshasy eki jasar qyzy Gózelmen kelgen. «Onda (Osh qalasynda) atys bastaldy. Biz Almatyǵa mamyrdyń 20-synda ketpek boldyq, biraq kúrdeli jaǵdaıǵa baılanysty úlgermedik», - deıdi ol.

Onyń anasy - Qyrǵyzstan azamaty Nahıba Súlıeva otbasymen Osh qalasynda, ózbek aýylynda turǵan. «adamdar oq jaýdyra bastady, barlyǵyn óltirdi. Biz qyzymyzben jáne balalarmen Ózbekstanǵa keldik», - dedi ol Qyrǵyzstannan ketý sebebin túsindirip.

Ózbekstannyń Ándijan oblysynda bosqyndar úshin 30-ǵa tarta lager qurylǵan, olardaǵy adamdardyń kóbi - ózbekter.