Ózbekstandaǵy bosqyndar lagerinde bolǵan Qazaqstan azamatshasy Otanyna qaıtyp kele jatyr
ÁNDІJAN OBLYSY. Maýsymnyń 17-si. QazAqparat /Qurmat Samarhan/ - Qazaqstan azamatshasy Elıza Sýlıeva qyzy ekeýi Ózbekstannyń Andıjan oblysynda ornalasqan bosqyndar lagerin tastap shyqty, dep habarlaıdy bizdiń tilshimiz oqıǵa ornynan.
Beısenbi, maýsymnyń 17-sinde Ózbekstandaǵy QR Elshiliginiń der kezindegi is-áreketteriniń arqasynda QR azamatshasy E.Súlıeva men onyń qyzy Gózel Ózbekstannyń Ándijan oblysyndaǵy Er-Kıshlok eldi mekeninde ornalasqan bosqyndar lagerin shyqty.
Qazaqstan azamatshasyn elge deıin Ózbekstandaǵy QR Elshiliginiń konsýly Babyr Dáýrenbek shyǵaryp salmaq.
Josparlanyp otyrǵandaı, juma, maýsymnyń 18-inde Qazaqstan azamatshasy qyzy ekeýi qazaqstan-ózbek shekarasynda ornalasqan «Qaplanbek» beketi arqyly ótip, Ózbekstan aýmaǵynan shyǵyp ketpek.
Qazirgi ýaqytta Ózbekstandaǵy QR Elshiliginiń ókilderi Ózbekstannyń lagerlerindegi bosqyndardyń arasynan Qazaqstan azamattaryn izdestirý jumystaryn júrgizýde.
