Ózbekstandaǵy bankomattar shetel valıýtasyn aıyrbastaýdy toqtatty
TAShKENT. QazAqparat – Ózbekstanda Uzcard kompanııasynyń bankomattary jalǵan banknottardyń jıi kezdesýi saldarynan 50 jáne 100 dollarlyq kýpıýralardy qabyldaýdy ýaqytsha toqtatty, dep habarlaıdy QazAqparat menshikti tilshisi.
Tıisti hatty Biryńǵaı jalpyrespýblıkalyq protsessıngtik ortalyq (Uzcard) respýblıkanyń kommertsııalyq bankterine jiberdi.
«Valıýta aıyrbastaý operatsııalary boıynsha tranzaktsııalardy taldaý nátıjelerine sáıkes, Uzcard júıesine qosylǵan bankomattar jalǵan shetel valıýtasyn, atap aıtqanda «50$» jáne «$» kýpıýralardy qabyldaý jaǵdaılary jıilep ketti. Osy jaǵdaıdy eskere otyryp, valıýta aıyrbastaý operatsııalary kezinde nomınaly $50 jáne $100 kýpıýralardy qabyldaý qyzmeti ýaqytsha toqtatyldy», - delingen hatta.
