Ózbekstandaǵy áskerı qoımadaǵy jarylystan 16 adam zardap shekti

TAShKENT. QazAqparat – Ózbekstannyń Syrdarııa aýdanyndaǵy áskerı qoımada bolǵan jarylystan 16 adam zardap shekti, dep habarlaıdy QazAqparat tilshisi Ózbekstannyń DSM silteme jasap.

Ózbekstan mınıstrliginiń málimetinshe, tańǵy saǵat 05:01-de aýdandyq tótenshe jaǵdaılar bólimine Syrdarııa oblysy Syrdarııa aýdany Málik aýylynda jarylys bolǵan.

«Oqıǵa saldarynan zardap shekken 16 azamattyń 12-si Syrdarııa aýdandyq medıtsınalyq birlestigine jetkizildi. Olardyń barlyǵyna dereý alǵashqy medıtsınalyq kómek kórsetildi. Respýblıkalyq jedel medıtsınalyq járdem ortalyǵynyń Syrdarııa fılıalynda 4 naýqas statsıonarlyq baqylaýǵa alyndy», - delingen habarlamada

Vedomstvodan zardap shekkender arasynda aýyr jaraqat alǵandar men aýyr halde jatqandar joq ekenin atap ótti.

Eske salsaq, Ózbekstannyń Syrdarııa oblysy Málik aýylyndaǵy áskerı qoımada jarylys boldy. Jarylys dúmpýi Maqtaaral aýdanynda estildi.