Ózbekstandaǵy 5 JOO ShQO ýnıversıtetimen seriktestik ornatpaq
ÓSKEMEN. QazAqparat - Ózbekstannyń jetekshi ýnıversıtetteri metallýrgııa jáne geologııa salasy boıynsha Shyǵys Qazaqstan Memlekettik tehnıkalyq ýnıversıtetimen seriktestik ornatpaq, dep habarlaıdy QazAqparat tilshisi.
Eki el arasynda bilim berý salasyndaǵy yntymaqtastyqty damytý maqsatynda D.Serikbaev atyndaǵy ShQMTÝ Ózbekstannyń 5 ýnıversıtetimen baılanys ornatýda. Atalmysh bilim ordasynyń rektory Jasulan Shaımardanov Tashkentte Aqparattyq tehnologııalar ýnıversıtetiniń, I.Kárimov atyndaǵy Tashkent Memlekettik tehnıkalyq ýnıversıtetiniń, Tashkent Sáýlet-qurylys ınstıtýtynyń, Tashkent Avtomobıl-jol ınstıtýtynyń, Samarqan Memlekettik ýnıversıtetiniń basshylarymen kezdesip, birneshe memorandýmǵa qol qoıyp qaıtqan.
«Ózbekstandyq áriptesterimiz metallýrgııa jáne geologııa salasy boıynsha tájirıbe almasýǵa nıet tanytyp otyr. Tashkent Sáýlet-qurylys ınstıtýty bizdegi kredıttik bilim berý júıesin ózderine ıkemdep kóshirmekshi. Al Tashkent Avtomobıl-jol ınstıtýty kólik logıstıkasyn qurý boıynsha birlesken zertteýler júrgizýge múddeli» - deıdi ShQMTÝ rektory Jasulan Shaımardanov.
