Ózbekstandaǵy jumyssyzdyq deńgeıi 6,8 paıyzǵa deıin tómendedi

TAShKENT. KAZINFORM – Ózbekstanda jumyssyzdyq deńgeıi 2020 jylǵy 10,5 paıyzdan 2024 jyldyń basyna qaraı 6,8 paıyzǵa deıin tómendedi. Bul týraly Kedeıshilikpen kúres jáne jumyspen qamtý mınıstrliginiń baspasóz qyzmeti habarlady.

Kedeılik deńgeıi 2021 jyly 17 paıyzdan, 2023 jyly 14 paıyzǵa, al 2024 jyldyń basynda 11 paıyzǵa deıin tómendeıdi dep kútilip otyr. 

Jumyspen qamtýdy qamtamasyz etý jáne kedeıshilik deńgeıin tómendetý maqsatynda ótken 6 aıda 113 myń jumyssyz azamattar kásiptik jáne kásipkerlik daǵdylarǵa oqytyldy. Ótken jyldyń sáıkes kezeńimen salystyrǵanda bul kórsetkish 1,5 esege ósken. 

2024 jyldyń maýsym aıynda shetelde jumys istegisi kelgen 64 myń adam zańdy, qaýipsiz jáne uıymdasqan túrde shet elderge jumysqa jiberilgen.

«Ózbekstan-2030» strategııasyna sáıkes 2024 jyly kedeıshilik deńgeıin 10 paıyzǵa deıin tómendetý josparlanǵan. 

Aıta keteıik, Ózbekstanda qazaqstandyq kapıtaldyń qatysýymen 1043 kásiporyn jumys istep jatyr.