Ózbekstandaǵy parlament saılaýynda qansha azamattyń daýys bergeni belgili boldy
TAShKENT. KAZINFORM – Saǵat 11.00-degi málimetke saı, Ózbekstanda ótip jatqan parlament saılaýynda azamattardyń 29,58% daýys berdi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ortalyq saılaý komıssııasynan málim etkendeı, qamtylyp otyrǵan aralyqta saılaýshylar tizimine engen 19,9 mıllıonnan astam ózbekstandyqtyń 5,9 mıllıony óz tańdaýyn jasady. Onyń ishinde Ferǵana (34,9%), Horezm (33,2%) jáne Andıjan (33%) oblystarynda daýys bergenderdiń úlesi basym.
Shet elderde ornalasqan saılaý ýchaskeleride daýys bergender týraly derek 28 qazanda jarııalanady.
Eske salaıyq, búgin Ózbekstanda Zań shyǵarý palatasyna (parlamenttiń tómengi palatasy) jáne oblys, qala men aýdan kengashtarynyń depýtattaryn saılaý ótip jatyr. Daýys berý 20:00-ge deıin jalǵasady.
Bıyl parlament saılaýy tuńǵysh ret proportsıonaldy-majorıtarlyq júıemen ótedi.
Sonymen qatar, saılaý kúni túrli sebepterge baılanysty turǵylyqty mekenjaıynda bola almaıtyn turǵyndar úshin 16-23 qazan aralyǵynda merziminen buryn daýys berý uıymdastyryldy. Onda 1 mıllıonnan astam saılaýshy óz tańdaýyn jasady.
Eske salsaq, parlament saılaýyna 5 partııa qatysyp jatyr: Ózbekstannyń lıberaldyq-demokratııalyq partııasy, Ózbekstannyń ekologııalyq partııasy, Halyqtyq-demokratııalyq partııa, «Mıllı tıklanısh» demokratııalyq partııasy jáne «Adolat» sotsıal-demokratııalyq partııasy.
Buǵan deıin habarlaǵanymyzdaı, Ózbekstandaǵy parlament saılaýynda keıbir ýchaskelerge elektrondyq daýys berý júıesi engizildi.
